الي طلاب الصف الثالث الثانوي " علمي - ادبي " :
بالنسبة لل Statistics "احصاء لغات"
المنهج بتاعكوا مكون من 4 وحدات ... اصعبهم واهمهم هي chapter 3 علشان كدة لازم تبدأ بيها وتفهمها كويس اوي .. بعد كدة كل الي بعدها هيبقي سهل اوي .
بمعني ان انت لما هتشوف Part 1 & part 2 هيبقي كل الي باقي " ال3 وحدات التانيين " هياخدوا كلهم وقت اقل من الجزئيين الاولنيين .
الفيديوهات اهي ..
الجزء الاول :
https://youtu.be/t7IP8SDmeqw
الجزء الثاني :
https://youtu.be/K8Y_cPFuWCM
الجزء الثالث :
https://youtu.be/KIoq-jZKKd4
الجزء الرابع :
https://youtu.be/hplg7r5LKlg
الجزء الخامس :
https://youtu.be/73onNXmnD4M
دي كدة كل جزء بعد شابتر 4 حوالي ساعة بس " يعني ملخصة اهو وجايبة من الاخر ودة الي انتوا عايزيينه " .
ودة شيت فيه شرح وقوانين وحل وكله 16 ورقة " زي ما بتحبوا التلخيص " بعد ما تخلصوا كل الفيديوهات ذاكروا منه وحلوا فيه بأيديكوا :
https://drive.google.com/.../1c4ruXfwcyyzAs.../view...
----------------------------------------------------------------------------
ملاحظات هامة جدا :
1- انا منزل الفيديوهات دي Free علي اليوتيوب وانا اقدر ابيعها عادي واكسب فلوس لكن انا مش حاسس انها مستاهلة مادة زي دي اخد فيها فلوس خصوصا انها لعلمي وادبي وحابب ان كلنا ندي فرصة لل mathematics الي ناس كتير بتعتقد انها مادة معقدة ودة غير صحييح وانا حابب اننا نفهم دة . " الناس الي هتقول اني منزل الفيديوهات ببلاش دعايا .. ربنا الاعلم بنيتي بس الي انت مفروض تعرفه اني مش بعمل اي نوع من انواع الدعايا اساسا ولا محتاج الحمدلله "
طيب بقول كل دة ليه ؟؟؟ علشان بعضكوا هيشوف الفيديوهات وهيفضل يتريق ويقولك المستر " بيضحك كتير ليه " او " المستر ليه بيعلي صوته فجأة كدة " ... انا بس عايز اقول اني حابب اساعد لو انت مش عايز تتفرج متتفرجش ولما تحس انك مضايق متكملش الفيديو وخلاص .
2- الفيديوهات دي الي هيشوفها كويس هيقدر يقفل المادة 100% مفيش شك ان شاء الله ومش هيحتاج حتي يذاكر اقتصاد هو بس هيقراها وهينجح ان شاء الله ... بالاضافة انك هتفهم اوي وتتعلم بجد وهتستمتع ان شاء الله ... تقدر تتأكد من الدفعات الي فاتت ان الفيديوهات دي هتخليك تقفل المادة دة الي يهمك .. انا بقي يهمني تتعلم وتستمتع بكل حاجة .
3- نشوف ونذاكر المادة دي امتي ؟؟ انسب وقت تذاكرها فيه في شهر 4 او شهر 5 .
4- ينفع اشوفهم ليلة الامتحان وخلاص ؟؟ لا مينفعش مستحيل .
ربنا معاكوا
